Nga gjetja e gjërave për të bërë vetëm, tek siguria gjatë udhëtimit, ka shumë gjëra që duhen marrë parasysh kur një turist vendos të udhëtojë vetëm.
Megjithatë, të bësh një udhëtim vetëm me sfida dhe rreziqe, zgjedhja e destinacionit të duhur është çelësi.
Linja ajrore Wizz Air ka bërë një renditje të qyteteve më të mira europiane për turistët që udhëtojnë vetëm.
Ata analizuan komentet nga turistët në TripAdvisor për të përcaktuar se cilat destinacione u ofronin turistëve të vetëm përvojat më pozitive.
Rodos është qyteti më i mirë për turistët e vetëm në vitin 2023
Qyteti grek i Rodosit doli në vendin e parë në renditje. Mbi 75 për qind e komenteve të turistëve që udhëtonin vetëm i dhanë destinacionit pesë yje.
Nga këto, atraksionet e qytetit morën një shumicë komentesh pozitive.
Nëse jeni duke e vizituar vetëm, shkoni në plazhe për një pasdite të qetë, shkoni në qytetin e vjetër për të zbuluar histori dhe admironi xhamitë shumëngjyrëshe në lagjen Hora.
Split në Kroaci është qyteti i dytë më i sigurt
Qyteti kroat i Split doli në vendin e dytë, me 73 për qind të turistëve që vlerësuan destinacionin me pesë yje.
Vizitorët ishin veçanërisht të entuziazmuar për atraksionet e qytetit ku 81 për qind morën vlerësime me pesë yje.
Spliti është i mbushur me vende historike që është kënaqësi të endesh i vetëm. Qendra historike dominohet nga pallati i Dioklecianit, një nga komplekset romake më spektakolare që ekziston ende.
Faro, qyteti portugez në vendin e tretë
Faro doli në vendin e tretë bashkë me Stambollin si më i sigurti për turistët që udhëtojnë vetëm.
Pak më shumë se dy të tretat e komenteve i dhanë qytetit portugez pesë yje.
Nëse po kaloni kohë vetëm në Faro, mos humbisni qytetin e vjetër shumëngjyrësh të rrethuar nga muret mesjetare.
Për një ekskursion në natyrë, ikni në Parque Natural da Ria Formosa, një parajsë prej 18,000 hektarësh me laguna dhe këneta, e cila është e mbushur me jetë të shpendëve.
I bashkohet Faros në vendin e tretë edhe Stambolli, metropoli i zhurmshëm i Turqisë. Dy të tretat e turistëve i dhanë qytetit një përmbledhje me pesë yje.
Atraksionet e qytetit morën një vlerësim solid prej 64 për qind me pesë yje.
Sipas turistëve, Stambolli është vendi perfekt për të ngrënë vetëm nëpër restorante apo edhe tezga.
Turistët mund të marrin një vakt në një nga tezgat dhe më pas të ulen në stolat buzë rrugës, pa marrë shikime të çuditshme nga njerëzit.
Vendi i katërt në renditje shkoi për Firencen, vlerësimet e së cilës ishin 66 për qind me pesë yje.
Qyteti italian mori 71 për qind vlerësime me pesë yje për atraksionet e tij dhe 61 për qind për restorantet.
Qendra historike e pallateve madhështore dhe shesheve të këndshme sjellin një kënaqësi të endesh vetëm, duke të dhënë gjithë kohën që të duhet për të admiruar statujat dhe shatërvanët e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
