.png)
Qeveria do të lehtësojë bizneset e vogla dhe të mëdha, duke vendosur të shtyrjë këstet e tatim-fitimit, për shkak të gjendjes së vështirë të krijuar nga COVID-19.
Qeveria e ka depozituar Aktin Normativ për diskutim në komisionet kuvendore.
Referuar relacionit shpjegues, për tatimpaguesit me qarkullim mbi 14 milionë lekë (përveç tatimpaguesve që ushtrojnë aktivitet në fushën e telekomunikacionit, produkteve ushqimore të konsumit, të farmaceutikës (farmacitë) dhe sistemit bankar)) propozohet shtyrje e kësteve të parapagimit të tatimit mbi fitimin të tremujorit të dytë dhe të tretë të vitit 2020. Pagesat e këtyre kësteve shtyhen në periudhën prill-shtator 2021. Për tatimpaguesit që ushtrojnë aktivitet në fushën e turizmit, të përpunimit aktiv dhe të call center, propozohet shtyrje e kësteve të parapagimit të tatimit mbi fitimin të periudhës tatimore prill-dhjetor 2020.
Pagesat e kësteve shtyhen në periudhën prill-dhjetor 2021. Për bizneset e vogla, këstet e tatim-fitimit të vitit 2020 do të bëhen zero. Qeveria përmes aktit normativ, shtyn gjithashtu edhe afatin për dorëzimin e deklaratës individuale të tatimpaguesve dhe pagesën e detyrimeve që lindin në këtë rast deri në 31 Korrik 2020.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
