.png)
Qeveria pranon gabimet që ka bërë në lidhje me taksat dhe i kërkon ndjesë biznesit për ndryshimet e përvitshme që kanë përjetuar me paketën fiskale. Pasi sipas qeverisë nuk kanë dhënë efektet e pritshme për sipërmarrjen.
Sipas qeverisë nuk do të ketë më ndryshim të përvitshëm të paketës fiskale.
Në takimin ku u prezantua projekti për fuqizimin e regjistrit të bizneseve në rajon, zv. Ministri i Financave dhe Ekonomisë, Elton Haxhi u shpreh entuziast se kjo iniciativë do të ndikojë në rritjen e konkurrueshmërisë.
Qeveria premton që paketat fiskale të hartohen çdo 3-5 vjet. Në këtë kuadër, është i domosdoshëm edhe një regjistër i detajuar biznesi, për të qenë më të qartë se cila është ajo gamë subjektesh që prekin ndryshimet në taksa.
Kurse Dhoma e Tregtisë dhe Industrisë Tiranë e përfaqësuar nga kreu I saj Nikolin Jaka, ka kërkuar nga Ministria e Financave një fond të veçantë për të mbështetur projekte të tilla, të cilat sipas saj, ngecin nëse nuk kanë financimet e duhura.
Taksimi “Fuqizimi i Regjistrit të Biznesit”, është në kuadër të programit Iterreg IPA Itali–Shqipëri- Mali i Zi.
Synimi i Projektit “Fuqizimi i Regjistrit të Biznesit” është shumë ambicioz veçanërisht përsa i përket shkëmbimit të përvojës midis qendrave të regjistrimit të bizneseve në Itali, Shqipëri dhe Malin e Zi në tre nivele: legjislativ; operacional; dhe teknologjik me qëllim rritjen e koordinimit dhe harmonizimit me nivelet dhe standardet e kërkuara nga BE-ja për vendet anëtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
