.png)
Nga Gazeta “Si” – Zbulime të rëndësishme arkeologjike kanë dalë në pah gjatë punimeve për zgjerimin dhe rehabilitimin e rrugës Çajup–Zagorie në Gjirokastër.
Agjencia telegrafike shqiptare shkruan se pranë fshatit Sheper janë identifikuar dy site me vlera të veçanta arkeologjike.
Këtë zbulim e konfirmon për Gazetasi.al , Drejtori i Institutit të Arkeologjisë, Z. Adem Bunguri i cili thotë se zbulimet kanë qenë rastësore dhe shton se Instituti i Arkeologjisë ka dërguar specialistët në zonë.
“Është e vërtetë që janë zbuluar site arkelogjike në Zagori. Zbulimi ka qënë rastësor gjatë punimeve të një rruge atje. Duke qënë se zona është nën administrimin e drejtorisë së Gjirokastrës, ne kemi dërguar specialistët tanë për vëzhgimin e vendit dhe shumë shpejt do t’iu japim edhe fondet për kërkime të mëtejshme” thotë Bunguri.
Sipas vlerësimeve paraprake të specialistëve të DSHA dhe DRTK Gjirokaster, bëhet fjalë për gjurmët e një tempulli antik të shek. III–II p.e.s., si dhe struktura banimi të së njëjtës periudhë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
