.png)
Psoriasis është një sëmundje inflamatore kronike autoimune e lëkurës që shfaqet si pllaka të rrumbullakta të kuqe, skajet e të cilave janë të përcaktuara mirë. Interferonet luajnë një rol të rëndësishëm në nxitjen e përgjigjes së trupit ndaj sëmundjeve virale.
Duke përdorur një model që imiton psoriazën tek minjtë, studiuesit në Universitetin e Miçiganit zbuluan se ndryshimi i niveleve të interferonit të quajtur kappa, një proteinë e prodhuar nga qelizat e lëkurës, ndryshon ashpërsinë e inflamacionit dhe prodhimin e citokinave (molekulat e sinjalizimit të qelizave) që nxisin inflamacionin, gjendje tipike për sëmundjen. Studimi u botua në revistën mjekësore”Journal of Investigative Dermatology”.
Inflamacioni i psoriazës karakterizohet nga shprehja e gjeneve të lidhura me interferonin, megjithatë është e paqartë sesi këto të fundit ndryshojnë ashpërsinë e çrregullimit. Simptomat e psoriasis, në shumicën e rasteve, përfshijnë lëkurë të skuqur, kruajtje, copëza lëkure të tharë dhe në dukje është si djegjie.
Shkencëtarët shkaktuan psoriasis tek minjtë duke i ndarë ato në grupe me interferon kappa në nivele të ulëta, normale dhe të larta. Vetëm proteina e tepërt nuk e shkaktoi sëmundjen, por e përgatiti lëkurën për përgjigjen inflamatore që pasoi. Sipas Mehrnaz Gharaee-Kermani, autore kryesore e studimit, konteksti i mjedisit të lëkurës është në gjendje të modelojë përgjigje inflamatore.
Ekipi po kryen hetime të mëtejshme për të kuptuar rolin e interferon kappa në pacientët me psoriazë të rëndë. Disa ilaçe aktuale pengojnë interferonët, por shumë ilaçe specifike janë ende duke u testuar.
“Deri më tani, trajtimet janë testuar duke studiuar një ilaç në qindra lëndë, por kjo ka qenë e gabuar dhe thjesht i ka kushtuar njerzve. Rezultatet e hulumtimit tregojnë se përdorimi i terapive për të moduluar gjendjet e interferonit mund të kufizojë inflamacionin tek individët me psoriazë,” shkruajnë ekspertët./Il Giornale/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje