Zgjedhje mes librave elektronikë apo atyre të printuar ka ndezur prej kohësh diskutime familjare dhe mes miqsh sëbashku me opinionet shkencore mbi këtë argument.
Në një artikull të fundit, faqja e internetit “Book Riot” rihap këtë temë. Një studim i kryer në fillim të viteve ‘90, në fakt, kishte treguar se leximi në ekran ishte i ngadalësuar dhe më pak i saktë. Tani le të shohim se si librat elektronikë ndryshojnë perceptimin që kemi për një tekst kur lexojmë një libër.
Kuptimi i një teksti
Në vitin 2014, u tregua se fëmijët preferojnë librat e printuar në vend të ekranit të pajisjes. Prindërit dhe mësuesit kanë vënë re se si rritet vëmendja dhe kurioziteti i të vegjëlve kur ndërveprojnë me një libër letre dhe jo me një libër dixhital.
Rëndësia e prekjes dhe perceptimi i ndryshëm vizual i bëjnë librat e printuar më tërheqës për një fëmijë. Në të njëjtën linjë, një studim norvegjez ekzaminoi disa fëmijë të shkollave fillore. Ka treguar se subjektet që lexojnë në letër kanë një aftësi më të madhe për t’iu përgjigjur pyetjeve të të kuptuarit. Një studim nga Universiteti Stavanger në Norvegji tregoi se pasi iu caktuan 50 njerëzve të njëjtën histori për të lexuar, gjysmën në ebook dhe gjysmën në letër, ata që kishin lexuar librin letre kishin ndjeshmëri dhe e kishin kuptuar më shumë përmbajtjen. U vu re gjithashtu se lexuesit e librit elektronik hasën më shumë vështirësi në rindërtimin e përmbajtjes së tregimit.
Fizikaliteti i librave
Disa studiues pohojnë se ndryshimet midis lexuesve të librave elektronikë dhe lexuesve të librave prej letre janë për shkak të lodhjes së syve të shkaktuar nga ekrani, të tjerë thonë se libri fizik është një element kyç për përqendrim më të mirë. Prekja dhe shkathtësia me të cilën dikush lidhet me një libër sigurisht që nuk është e njëjtë si me një pajisje, madhësia ose pesha e së cilës, faqja që duhet shfletuar ose shenja që duhet mbajtur, nuk janë të njëjta.
Gjithashtu për këtë arsye, shpesh, ata që lexojnë në pajisje dixhitale nuk e kanë ndjesinë e gjatësisë së asaj që lexojnë. Megjithatë, aspekti fizik nuk ka të bëjë vetëm me librat, por edhe me filmat. Shikuesit janë më të përqendruar dhe të angazhuar kur shkojnë në kinema sesa kur shohin një film në shtëpi.
Marrë nga Libreriamo, përshtati në shqip Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
