Pse fitojmë peshë në dimër?

Njerëzit shpesh fajësojnë sezonin e festave për shtimin e peshës në dimër dhe të gjithë e dimë pse.
Por sipas disa studimeve, shtimi në peshë, më shumë sesa ngrënia e tepërt në një festë, ka të bëjë me disa arsye të tjera.
Me mungesën e rrezeve të diellit dhe mekanizmin tonë ‘në lojë’, shtimi i peshës duket jo vetëm i vërtetë por edhe i vështirë për tu shmangur.
Në dimër, metabolizmi ynë përmirësohet dukshëm: trupi ynë përpiqet të djegë më shumë energji për të stabilizuar temperaturën e tij dhe të qëndrojë i ngrohtë. Dhe kjo do të thotë se kemi nevojë për më shumë ushqim. Natyrisht, ne ndiejmë nevojën për të ngrënë më shumë për të kapur ritmin e ri të metabolizmit.
Që ti shpëtoni kësaj, ju mund të mbani veten dhe mjedisin tuaj të ngrohtë dhe të qetë për të minimizuar burimet që trupi juaj harxhon për tu ngrohur vetë, kështu që nuk do të keni nevojë për ushqim shtesë. Për fat të mirë, nuk është aq e vështirë në këtë kohë dhe epokë me mjedisin tonë të kontrolluar nga temperatura.
Një studim nga revista “Nature” zbuloi se qelizat tona yndyrore reagojnë pozitivisht ndaj rrezeve të diellit. Qelizat që janë më afër lëkurës, kur ekspozohen në diell, bëhen më të vogla dhe kështu ruajnë më pak yndyrë. Pra, nga ana tjetër, mungesa e rrezeve të diellit mund të rrisë aftësinë e qelizave për të ruajtur yndyrën, gjë që na bën më të pranueshëm ndaj shtimit të peshës.
Ekspozohuni sa më shumë në diell. Zgjohuni më herët në mënyrë që të keni një shans më të lartë për të kapur agimin dhe të kaloni më shumë kohë jashtë.
Njerëzit janë më të ngjashëm me arinjtë sesa e mendojmë. Të dy përpiqemi të flemë gjatë muajve më të freskët. Shkenca sugjeron që me të ftohtit fillojnë instiktet tona primitive dhe ne në mënyrë të pavetëdijshme përpiqemi të grumbullojmë kalori, ashtu si arinjtë që përgatiten për letargji. Diku thellë brenda nesh ende jeton frika se mos jemi në gjendje të gjejmë lëndët ushqyese të nevojshme kur ushqimet bëhen të pakta në dimër.
Konkretisht, ngrënia është një mënyrë për të rritur temperaturën e trupit tonë dhe kështu që kur i ftohti godet, ka të ngjarë të kërkojmë ushqim. Kur trupi ynë po tret diçka, gjeneron nxehtësi në mënyrë natyrale, kështu që ne dëshirojmë më shumë ushqim për të na ngrohur. Ne gjithashtu priremi të hamë më shumë ushqime “rehati” si pasta të nxehta dhe ëmbëlsira.
Hani ushqimin që do të tretet më shpejt, si gjëra që janë të pasura me yndyrna të shëndetshme, proteina dhe karbohidrate pasi ato do t’ju mbajnë të ngrohtë për më gjatë. Për shembull bananet, të cilat janë të mbushura me vitaminë B dhe magnez, duke ndihmuar tiroiden të rregullojnë temperaturën e trupit.
Mungesa e dritës së diellit që përjetojmë kur ditët bëhen më të shkurtra në dimër ndikon në hormonet tona. Gjëndrat tona pineale i përgjigjen mungesës së rrezeve të diellit duke prodhuar më shumë melatoninë, përgjegjëse për ciklin tonë të gjumit-zgjimit. Pra, ne priremi të ndjehemi më të përgjumur, ndërsa nivelet më të larta të melatoninës mund të na rrisin oreksin. Në thelb, ne e shohim veten duke ngrënë më shumë dhe duke lëvizur më pak gjatë muajve të ftohtë.
Mundohuni të kontrolloni prodhimin tuaj të melatoninës duke ngrënë ushqime që e përmbajnë atë.
Domatet, ullinjtë, drithërat dhe qumështi i papërpunuar kanë sasi të konsiderueshme të melatoninës.

Me gjithçka që u tha më lart, është e kuptueshme që ne jemi shumë më pak të motivuar për të shkuar në palestrën në dimër. Moti i keq dhe ditët më të shkurtra na dekurajojnë të mos shkojmë jashtë për aktivitetet tona të zakonshme. Pra, mënyra e jetesës në dimër dhe kalimi i më shumë kohë brenda mund të ndikojë në shtimin e peshës.
Bëni ushtrime që mund të bëni në shtëpi. Mundohuni të shmangni një mënyrë jetese ulur .
Bëni një ecje 20-30 minuta në orarin tuaj ditor. Patinazhi në akull nuk është vetëm e dobishme, por edhe jashtëzakonisht argëtuese.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.