.png)
Në ditën e katërt të protestës së pedagogëve, u vendos se do të ketë një bojkot pa afat deri në zgjidhjen e kërkesave të pedagogëve.
Sindikata e pedagogëve deklaroi se në ditët në vijim do të vazhdohet me bojkot si çdo ditë deri më tani, ku në orën 10:00 të gjithë do të mblidhen tek Universiteti i Politeknikut ndërsa pedagogët e rretheve që nuk kanë mundësi të vijnë në Tiranë do të mblidhen në universitetet e tyre.
Përfaqësuesit e sindikatës pohuan edhe një herë tjetër se vetëm vijimi dhe qëndresa e përbashkët do të mundësojnë vlerësimin dhe kthimin e dinjitetit akademik të stafeve dhe universiteteve.
Protesta kombëtare zgjati për më shumë se një orë dhe pjesë ishin pedagogë të rretheve dhe studentë të shumtë.
Kryetari i sindikatës i bëri thirrje edhe rektorëve që të paktën të mbajnë një qëndrim për bojkotin.
Ai gjithashtu u përgjigj edhe për komentet e Kryeministrit Rama i cili e quajti “Shiks krenar të 97-ës” duke thënë se ai është i zgjedhur nga Këshilli drejtues dhe nuk duhet ta kthejë në personale.
“Nuk ke të bësh me një person rruge”, tha Sandër Kovaçi gjatë fjalës së tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
