Një person i dyshuar si hedhësi i bombave Molotov në protestën e opozitës është arrestuar nga policia e Tiranës.
Ai është 40-vjeçari me inicialet M.Q, banues në Tirana, që sipas policisë dyshohet se është personi kryesor “që ka sulmuar institucionet shtetërore dhe punonjësit e Policisë me bomba molotov, kapsolla, flakadanë, sende të forta, etj”.
Në njoftimin për mediat thuhet se këto pretendime bazohen në prova dhe pamje filmike,
“Nga goditjet, kundërshtimet dhe përdorimi i lëndëve piroteknike, sendeve të forta dhe bombave molotov, kanë mbetur të plagosur 16 punonjës të Policisë, të cilët morën ndihmën në spitalin e Traumës”, thuhet në njoftimin e bluve të kryeqytetit.Dy ditë më parë, gjykata la në burg 20 nga 50 protestues.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
