.png)
Nga Gazeta Si- Tre kineze kanë rënë në pranga e policisë së Durrësit, pasi akuzohen për prostitucion.
3 kinezet kishin marrë me qira një apartament në lagjen nr. 13, Plazh, dhe e kishin përshtatur për të ushtruar prostitucion. Në pranga kanë rënë M. Y., 41 vjeçe, J. B., 43 vjeçe dhe L. H., 47 vjeçe.
Gjithashtu, ka nisur procedim në gjendje të lirë për veprën penale “Prostitucion”, për A. Gj., O. Ll., V. N., A. K. dhe A. G.
Gjatë kontrollit në ambientet e apartamentit, u gjetën dhe u sekuestruan 3 pasaportat e kinezeve, një shumë parash e dyshuar e përfituar nga prostitucioni, 8 celularë dhe 11 karta të bankave të Kinës dhe të Emirateve të Bashkuara Arabe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
