Nga Gazeta Si- Një tjetër rast i prostitucionit është goditur nga policia në Durrës. Në pranga kanë rënë 2 kolumbiane, teksa në gjendje të lirë do të hetohen 6 persona të tjerë.
Dy vajzat kolumbiane 23 dhe 25 vjeçe, e ushtronin prostitucionin në një apartament me qira në zonën e Vollgës.
Gjatë kontrolleve në apartament u sekuestruan 2 pasaporta të tyre, shuma parash në euro dhe lekë, si dhe 10 formularë dërgesash monetare me vlerë totale 15. 093 euro, të transferuara familjarëve në Kolumbi brenda një periudhe 20-ditore.
Kolumbianet J.C dhe M.A., e ushtronin prostitucionin në lagjen nr. 1, rruga “Taulantia”, zona e Vollgës, Durrës.
Gjithashtu, gjatë operacionit u proceduan penalisht në gjendje të lirë edhe 6 shqiptarë nga Durrësi, Shijaku dhe Kavaja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
