Nga Gazeta 'SI' - Gjatë muajit prill 2024, në Shqipëri janë regjistruar 1.4 mln hyrje, me rritje 21% nga prilli 2023.
Nga ky numër, 609 mijë janë shtetas shqiptarë dhe pothuajse 800 mijë të huaj, me rritje respektive 11.3% dhe 29.3%.
Shifra e daljeve jashtë Shqipërisë është e njëjtë me atë të hyrjeve. 613.196 shtetas shqiptarë numërohen të kenë dalë nga territori, duke shënuar rritje me 8.8 %, krahasuar me prill 2023. Daljet e shtetasve të huaj nga territori i Shqipërisë gjatë muajit prill 2024, janë 789.064, me rritje vjetore 35%.
Rajoni me numrin më të lartë të hyrjeve të shtetasve të huaj në Shqipëri është rajoni i Europës me 753.973 shtetas, pasuar nga Amerika, Azia Lindore dhe Paqësori, përkatësisht me 16.699 dhe 5.301 shtetas.
Ndonëse shumica e vizitorëve vijnë në Shqipëri për arsye personale apo pushime, ka rritje të ndjeshme të hyrjeve për qëllime biznesi, me rreth 60% rritje.
Në total, nga janari në prill 2024, në Shqipëri raportohen më shumë se 4.6 mln hyrje dhe pothuajse 4.8 mln dalje. Në të dy treguesit, shumica ishin të huaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.