.png)
Gazeta Si – Data e rrethuar me të kuqe, një ngjyrë jo e rastësishme, është 13 shkurt 2024. Në këtë datë Ferrari do të prezantojë zyrtarisht makinën e Botërorit të ri në Formula 1.
Në kalendar janë edhe data të tjera të fiksuara tashmë. Disa skuadra kanë saktësuar ditën e zbulimit të makinave për kampionatin e këtij viti. E para është data 5 shkurt, kur do të prezantohen dy skuderi: Stake F1, emri i ri i Sauber, dhe Uilliams.
Është parashikuar një dopietë prezantimi makinash edhe më 14 shkurt, me Mercedesin dhe MekLaren. Kalendari provizor i datave të prezantimit deri tani është ky:
5 shkurt: Stake F1 (Sauber)
5 shkurt: Uilliams
7 shkurt: Alpine
12 shkurt: Aston Martin
13 shkurt: Ferrari
14 shkurt: Mercedes
14 shkurt: MekLaren
Testet para sezonit të Formula 1 janë programuar nga 21 deri më 23 shkurt, në sesionin e vetëm në Bahrejn, në cirkuitin e Sakhir. Është e njëjta pistë që më 2 mars, të shtunën, do të presë garën e parë të Botërorit 2024.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
