Gazeta Si – Skuadra kampione bote ka zbuluar makinat e Botërorit të ri me një prezantim plot stil në selinë e vet në Angli, në ‘Red Bull Technology Campus’ të Milton Keynes. Me makinën e re Bull RB20 Maks Vershtapen do të kërkojë titullin e katërt radhazi, nëse Mercedesi dhe Ferrari do ta lejojnë.
Festë në fabrikën e tyre për një histori të gjatë 20-vjeçare, siç tregon edhe vetë sigla e makinës së re, që do të drejtojnë piloti holandez dhe ai meksikan sezonin e ri. Kampionët në fuqi lançojnë fushatën e tyre në fund të pauzës dimërore, që solli atë tronditje javët e fundit nga ‘Hornergate’, aktualisht i pezulluar.
Makinat e reja janë konsideruar nga pilotët dhe pjesëtarët e tjerë të skuadrës si një evolucion i RB19, dominuese e sezonit të fundit. Në pamje të parë, risitë nuk mungojnë, sidomos në nivelin aerodinamik. Nuk duhet harruar se Red Bull dhe konkurrueset e tjera do të ndryshojnë gjatë tri ditëve të testeve javën e ardhshme, nga 21 deri më 23 shkurt.
Synimi i Red Bull-it është që ta ngrejë sa më lart stekën në 2024-ën. Kampionët e botës kanë dalë hapur dhe ky është edhe një demonstrim force, ndryshe nga rivalët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
