.png)
Nga Gazeta ‘SI’ – Përballë rrezikut klimatik nga i cili kërcënohet Shqipëria, qeveria ka përgatitur një plan kombëtar përshtatjeje ku kërkohet veprim i menjëhershëm.
Plani 10-vjeçar do të kushtojë 9.8 mld dollarë ku zhvillimi urban, transporti dhe pylltaria do të marrin pjesën më të madhe, mbi 2 mld dollarë secila. Për 5 sektorë në total, përfshirë edhe turizmin me energjinë, janë parashikuar 66 masa prioritare.
Siç thekson drafti, financimi për këtë qëllim mund të hasë vështirësi dhe prandaj është parashikuar kombinimi i të ardhurave nga buxheti i shtetit, fondet ndërkombëtare, PPP-të si edhe obligacionet e gjelbëra, që futen për herë të parë në tregun tonë.
Nga ky Plan, qeveria parashikon të arrijë një përshtatje të komuniteteve me ndryshimet klimatike dhe aftësinë e tyre për të përballuar ndryshimet, rritje e investimeve të qëndrueshme dhe ulje të kostove në rast të ngjarjeve ekstreme klimatike dhe sigurisht mbrojtje më të mirë për ekosistemin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
