700 punonjës policie janë angazhuar për garantimin e sigurisë në protestën e dytë kombëtare të thirrur kundër rritjes së çmimeve.
Përveç punonjësve të të gjithë komisariateve të Tiranës, janë angazhuar edhe efektivë nga Durrësi dhe Elbasani, si dhe Forcat e Ndërhyrjes së Shpejtë, Garda e Republikës dhe në gatishmëri është edhe shërbimi zjarrfikës.
Po ashtu, pranë Kryeministrisë u pozicionuan edhe forcat RENEA, bashkë me dy autobotë me ujë për shpërndarjen e turmës.
Pavarësisht masave të përforcuara të policisë, protesta në dy orët e para të saj ka qenë e qetë, ndërsa policia nuk ka një vendim se si do të reagojë në lidhje me njoftimin e protestuesve për të qëndruar 24 orë në bulevard.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
