Një efektiv i Policisë Rrugore në Tiranë ka gjetur një vajzë të mitur, humbja e së cilës ishte denoncuar pak orë më parë. Punonjësi i Policisë Rrugore ishte duke kryer shërbimin në aksin e Zogut të Zi në drejtim të Laprakës, kur ka vënë re vajzën e vogël, e cila ishte e vetme në rrugë dhe po qante.
Punonjësi i policisë e ka marrë vajzën 6-vjeçare dhe i ka ofruar ujë e ushqim dhe është përpjekur të mësojë adresën e prindërve duke njoftuar edhe Komisariatin e Policisë Numër. 3 në Tiranë.
Siç thuhet në njoftim, Patrulla e Policisë së Komisariatit Nr. 3 ka njoftuar kolegun (efektivin e Policisë) se prindërit e vajzës sapo kishin bërë denoncim për humbjen e 6-vjeçares.
Vogëlushja është transportuar me makinën e policisë dhe u është bashkuar prindërve të saj, të cilët kanë falënderuar policinë për gjetjen e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
