.png)
Policia e Gjirokastrës ka vënë në pranga një efektiv policie, pasi është kapur duke transportuar bimë narkotike me fugon.
Forcat “Shqiponja” kanë arrestuar efektivin 23-vjeçar A. K., i cili ka qenë drejtues i mjetit, si dhe pasagjerin K. H., banues në Vlorë.
“Shërbimet e Policisë, bazuar dhe në informacionet e marra në rrugë operative, kanë organizuar punën dhe në aksin rrugor Dukaj-Salari kanë konstatuar mjetin fugon me drejtues shtetasin A. K. dhe pasagjer shtetasin K. H., duke transportuar bimët narkotike”, thuhet në njoftimin e policisë.
Në cilësinë e provës materiale janë sekuestruar mjeti fugon, bimët narkotike, arma e shërbimit të punonjësit të Policisë dhe 3 aparate celularë.
Policia thotë se në bashkëpunim me Prokurorinë dhe SHÇBA-në vijon puna për identifikimin dhe kapjen e personave të tjerë të përfshirë në këtë veprimtari kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
