Policia e Delvinës ka arrestuar një person, për ngjarjen e mbrëmjes së të premtes në malin e Cerasë, ku mbeti i plagosur shtetasi Lulzim Kasemi.
Falë veprimeve të shpejta të policisë u bë e mundur zbardhja e ngjarjes dhe arrestimi i shtetasit E. M., 22 vjeç, banues në Delvinë, të cilët i është sekuestruar edhe arma e gjahut me të cilën plagosi të riun. Sipas burimeve nga policia ngjarja ka ndodhur për motive të dobëta, ku pas një debati 22-vjeçari plagosi në këmbë Lulzim Kasemin. 21-vjeçari ndodhet në spital jashtë rrezikut për jetën.
Materialet iu referuan Prokurorisë për veprat penale “Plagosja e lehtë me dashje” dhe “Prodhimi dhe mbajtja pa leje e armëve të gjuetisë dhe sportive”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
