Policia e Tiranës ka vënë në pranga shtetasin që plagosi babë e bir gjatë protestës së opozitës më datë 2 qershor në Bulevardin “Dëshmorët e Kombit”. Bëhet fjalë për shtetasin Zamir Sijani, 43 vjeç, banues në fshatin Xhafzotaj Durrës. Sijani rezulton i dënuar më parë për veprat penale “Trafikimi i lëndëve narkotike” dhe “Mbajtja pa leje dhe prodhimi i armëve, armëve shpërthyese dhe i municionit”.
Policia bën me dije se arrestimi i 43-vjeçarit është bërë pasi janë parë pamjet filmike të protestës. Ai ka goditur me mjete të forta shtetasit Ymer Çela dhe Erion Çela (babë e bir) banues në Tiranë, duke u shkaktuar dëmtime të rënda në pjesën e kokës.
Materialet i kaluan Prokurorisë për veprime të mëtejshme për veprat penale “Plagosje e rëndë me dashje” dhe “Prishja e qetësisë publike”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
