SPAK ka kërkuar 8 vite burg për ish-shefin e sektorit të luftës kundër krimit të organizuar në Policinë e Vlorës, Gjergj Kohila.
Ai akuzohet për trafik droge në kuadër të grupit të strukturuar kriminal dhe ka qenë i pandehur së bashku me ish-ministrin e Brendshëm, Saimir Tahiri.
Në pretencën e lexuar nga SPAK, u kërkua 12 vite burgim, por me gjykim të shkurtuar u kërkuan 8 vite.
Ndërsa për Sokol Boden, ish-shefin e stacionit policor Dhërmi, dosja është veçuar, pasi ai nuk e ka pranuar gjykimin e shkurtuar.
Dy ish-zyrtarët akuzohen se kanë bashkëpunuar me grupin kriminal Habilaj për kultivimin dhe trafikimin e kanabisit drejt Italisë.
Fillimisht ata u hetuan së bashku me ish-ministrin e Brendshëm Saimir Tahiri dhe ish-drejtorin e Policisë së Vlorës, Jaeld Çela, por pas ndryshimit të akuzave, çështja e tyre u veçua.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
