Pinguini perandor ka arritur të krijojë një shtëpi në një nga habitatet më armiqësore në Tokë – Antarktidën dhe fotografi i vlerësuar me çmime Stefan Christmann ka kapur ekzistencën unike atje në një koleksion mjaft tërheqës të fotografive, të paraqitura në një libër mahnitës të quajtur “Pinguinët – Një Histori e Mbijetesës”, botuar nga teNeues. Është një libër që ka bërë tetë vite për tu përfunduar.
Stefan e kaloi dimrin e parë në Antarktidë në 2012 dhe ra në dashuri me 10,000 perandori pinguinësh në Gjirin Atka.
Ai i fotografoi në dy dimëra dhe tregoi për jetën e tyre, dashurinë për njëri-tjetrin dhe shoqërinë që kanë.
“Strategjia e grumbullimit është një sjellje që duhet të mësohet nga zogjtë e rinj të pinguinit që në fillim të jetës së tyre. Është një nga gjërat më të lezetshme që kam parë ndonjëherë. Pavarësisht se prindërit e tyre ishin jashtëzakonisht të qetë dhe të organizuar ndërsa ishin duke u mbledhur, të rinjtë përpiqen të marrin rrugë të shkurtër në qendrën e ngrohtë duke kaluar mbi moshatarët e tyre. Herët ose vonë, megjithatë, ata do të kuptojnë se të gjithë duhet të jenë në qendrën e ngrohtë, madje edhe ata që presin në radhë” thotë Stefan.
Një sjellje e pinguinëve perandorë e cila nuk është kuptuar plotësisht deri më sot janë “lojërat” për zogjtë, të cilat rregullohen nga prindërit. Zakonisht dy të rritur do të qëndrojnë përpara njëri-tjetrit. Zogjtë zakonisht fillojnë të ndërveprojnë me njëri-tjetrin, duke thirrur dhe duke kërkuar për moshatarët e tyre në anën tjetër. Prindërit ndonjëherë do të qëndrojnë aq afër njëri-tjetrit sa gjoksi i tyre preket dhe ata mund të pushojnë së bërtituri.
“Pinguinët Perandorë janë krijuar për shumë gjëra, por kur bëhet fjalë për çiftëzimin, bëhet mjaft e qartë se ekuilibrimi nuk është përshtatja e tyre e fortë,” shpjegon Stefan.
Kur mashkulli shkel në pjesën e prapme të femrës ai e ka shumë të vështirë të mbajë ekuilibrin.
Pasi femra ka vendosur vezën e saj dhe ia ka kaluar me sukses mashkullit, është koha që ajo të largohet nga kolonia. Ajo ka shumë nevojë për të ushqyer dhe furnizuar me ushqim rezervat e saj të harxhuara të energjisë.
Në fund të Marsit deri në fillim të Prillit është koha kur pinguinët perandorë kthehen nga oqeani i hapur në vendet e tyre të shumimit.
Kënga unike e një çifti perandor pinguinësh është çelësi i tyre muzikor për të gjetur njëri-tjetrin midis mijëra zogjve të tjerë në koloni. Kur të kthehen nga kërkimi i ushqimit në oqeanin e hapur, ato do të thërrasin bashkëshortin e tyre pas mbërritjes. Në ditë shumë të ftohta, fryma e tyre e ngrohtë do të pikturojë melodi karakteristike në ajër.\Daily Mail
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
