.png)
E konfirmuar nga Libri i Rekordeve Botërore Guinness si piktura më e madhe në botë, “The Journey of Humanity” , u shit për 62 milionë dollarë, duke e vendosur atë në mesin e veprave më të shtrenjta artistike që janë shitur ndonjëherë në ankand.
Vepra e artit e punuar në kanavacë nga britaniku Sacha Jafri është 1595.76 metra katrorë dhe u shit në një ankand në Dubai.
“The Journey of Humanity” është e ndarë në 70 korniza, të cilat u blenë nga Andre Abdoune, një shtetas francez me banim në Dubai.
Shuma e fituar ishte dyfishi i pritshmërive të shtëpisë së ankandit dhe të gjitha paratë shkuan për bamirësi për të ndihmuar fëmijët.
“Piktura ishte shumë e fuqishme dhe për mua, do të kishte qenë një gabim të ndaja copëzat”, u shpreh Abdoune, i cili drejton një biznes kriptovalutash.
Ndërkohë, artisti bashkëkohor shpreson që puna e tij të shkaktojë një lëvizje humanitare, pasi në pikturën e Jafrit u përfshinë edhe punime të fëmijëve nga 140 vende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
