Partia Socialiste caktoi deputetët e saj që do të jenë pjesë e Komisionit Parlamentar Hetimor për shkarkimin e Presidentit Ilir Meta. Ne mbledhjen e grupit socialist u vendos që Kryetar të jetë Ulsi Manja, ndërsa anëtarë deputetët Vasilika Hysi, Bashkim Fino, Klodiana Ferhati Bushka dhe Alket Hyseni. Komisioni parlamentar hetimor përbëhet nga 9 deputetë, 5 i ka shumica dhe 4 opozita. Sot pasdite në orën 17.00 parlamenti ka një seancë të posaçme për këtë çështje. 130 minuta debat rreth raportit të përgatitur dhe më pas votimi I komisionit parlamentar hetimor për shkarkimin e presidentit. Shumica nuk ka bërë asnjë hap pas dhe është e sigurt të ti shkojë procesit deri në fund.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
