.png)
Për shumë gra, diagnostikimi me kancer gjiri dhe operimi, sjell një periudhë pikëllimi për humbjen e figurës së tyre siç e kanë njohur, ndër të tjera.
Por Vanessa Gonzalez e përballoi mastektominë me një qetësi të madhe dhe në fund edhe e festoi.
Gonzalez i tha CNN se një vit para se të diagnostikohej me kancer, tashmë po mendonte të bënte një operacion, duke qenë se është pjesë e komunitetit LGBT.
“Kështu që kur u diagnostikova me kancer, ndoshta vendimi më i lehtë nga i gjithë ky proces ishte heqja e gjoksit tim. 'Udhëtimi' im pas operacionit dukej shumë më ndryshe se për shumicën e grave.
Gonzalez është një nga shtatë modelet e paraqitura aktualisht në "Marks of Majesty", një projekt i ri fotografik që synon të rrisë ndërgjegjësimin për kancerin e gjirit.
Modelet, të zgjedhura nga Stephanie Francis, bashkëdrejtoresha e projektit marrin poza 'të pambrojtura', por të sigurta, duke zbuluar sesi kanceri i ka transformuar trupat e tyre, ndërkohë që pranojnë veten në bukurinë dhe imazhin e ri.
Në foto, shumë prej modeleve kanë bojë prej argjendi ose floriri.
“Boja i kthen trupat e tyre në “vepra arti”, thotë Julia Comita, fotografja dhe bashkëdrejtoresha e projektit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
