Mbledhja e sotme e Komisionit të Medias u zhvillua mes tensioneve dhe debateve për disa minuta e më pas situate doli jashtë kontrollit. Deputeti i PD-së, Flamur Noka u ngjit nga vendi dhe tentoi të nxjerrë me forcë nga mbledhja e Komisionit të Medias, kryebashkiakun Veliaj.
Sipas demokratëve, Veliaj nuk ishte i ftuar në mbledhjen e sotme për seancë dëgjimore, ndërkohë që kryebashkiaku thotë se e kanë ftuar 2/3 e deputetëve që nuk janë të PD-së.
Në momentin që Noka iu afrua Veliajt forcat e gardës e ndaluan ta prekte, por situata u tensionua edhe më keq. Disa deputetë të PD-së Luçiano Boçi, Ervin Salianji, Klevis Balliu u ngritën pas tij për të kërkuar largimin e Veliajt. “Nxirreni përjashta”, dëgjoheshin të thoshin ata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
