Nga Gazeta ‘Si’-Një aksident me pasojë vdekjen e një biçiklisti ka ndodhur në rrugën e ish-Kënetës që lidhet me Unazën e qytetit të Durrësit. Një automjet Benz, i cili po udhëtonte me shpejtësi ka humbur kontrollin duke kaluar trafikndarësen e rrugës për të përfunduar në krahun e kundërt.
Gjatë devijimit, automjeti fillimisht ka përplasur një biçiklist të moshës 50-vjeçare, i cili sipas raportimit të policisë ka humbur jetën. Më pas ka marrë para një motor dhe një automjet të parkuar, për t’u përplasur me fasadën e një lavazhi automjetesh.
Ndërkohë, mësohet se drejtuesi i automjetit L.Z është larguar nga vendngjarja pas aksidentit dhe po vijon puna për kapjen e tij.
Ne vendngjarje kanë mbërritur efektivë të policisë, të cilët teksa kanë rrethuar vendin e aksidentit deri në përfundim të hetimit, po punojnë për zbardhjen e shkaqeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
