Pesë punonjës të Policisë së Shtetit dhe 3 të Policisë Bashkiake kanë mbetur të lënduar nga konfrontimi me banorët e “5 Majit” që kundërshtuan edhe këtë të martë shembjen e banesave të tyre.
Gjatë rezistencës së banorëve, punonjësit e policisë kanë marrë dëmtime nga sende të forta dhe lëndë djegëse dhe ndodhen në Spitalin e Traumës, duke marrë ndihmën mjekësore.
Në mbështetje të strukturave të IMT-së dhe Policisë Bashkiake, janë mbështetur më pas nga FNSH që kanë normalizuar situatën dhe kanë krijuar mundësinë për vijimin e shembjeve.
Policia e Tiranës ka shoqëruar disa persona në Komisariat dhe thotë se kushdo që ka ushtruar dhunë ndaj punonjësve të Policisë, do përballet me ligjin.
Protesta e banorëve të ‘5 Majit’ është shoqëruar me tensione të forta me policinë, duke bërë rezistencë për mbrojtjen e shtëpive, të cilat preken nga projekti për rindërtimin dhe rikualifikimit urban.
Të bashkuar, banorët e njësive 4 dhe 8, tentuan që të pengojnë efektivët e policisë dhe Inspektoriatin e Mbrojtjes së Territorit (IMT) të mos ndërhyjnë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
