.png)
Policia e Shtetit ka arrestuar një 25-vjeçaren, që akuzohet për përhapje të informacioneve të rreme, të cilat kanë ngjallur panik te qytetarët.
Policia thotë se bëhet fjalë për shtetasen Xhuljana Aliaj, 25 vjeç, lindur dhe banuese në Durrës, e dyshuar për kryerjen e veprës penale “Përhapja e informatave të rreme që ngjallin panik”.
Siç njofton policia, 25-vjeçarja ka postuar në faqen e saj të “Facebook” shkrime me përmbajtje të rreme dhe jo të vërteta, duke kryer kështu përhapje të panikut nëpërmjet efekteve të këtyre lajmeve. Profili i 25 vjeçares në facebook është i mbyllur tashmë.
Policia e Shtetit u bën apel edhe njëherë të gjithë qytetarëve që të mos bien pre e mashtrimeve të lajmeve që shpërndahen në rrjete sociale, të cilat krijojnë panik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
