.png)
"Situata mes Sokolit dhe Florit u acarua dhe qetësohej vetëm pasi konsumonin kokainë", - tregon në Prokurorinë e Elbasanit, dëshmitari E.B., i cili renditet mes dëshmitarëve okularë të pranishëm në vrasjen e shtetasit Florian Shabani (Lamçe).
Për këtë krim, në Gjykatën e Elbasanit, përfundoi i pandehur për vrasje me dashje, Sokol Sanxhaktari dhe Ardiano Hajdari, kurse Amadeus Lamçe, akuzohet nga prokuroria për veprime që pengojnë zbulimin e të vërtetës .
Për të njëjtën vepër akuzohet edhe Mehmet Muça, thuhet në dosjen që GazetaSi.al, ka zbardhur, ku përfshihen edhe bisedat mes të akuzuarve. Në dosjen e vënë në dispozicion nga GazetaSi.al, thuhet se në vendngjarje u gjetën 11 shishe qelqi birre, të markës “Korona-ekstra”, 2 bidonë plastike me mbishkrimin, “bukaniku” si dhe xhama dhe karrige të thyera.
Janë pyetur 7 persona, mes tyre kamerierë, roje dhe pronari i lokalit, bar-kafe “Piazza”. Pas matjeve të testit të alkoolit, ka rezultuar se të gjithë të ndaluarit ishin nën ndikimin e alkoolit.
Vetëm Sokol Sanxhaktari rezultoi 0.72 g/l në të dyja testet e bëra. Njëri nga dëshmitarët thotë se ditën e ngjarjes, viktima (Lamçe) kishte vërejtur në telefonin e tij se kishte disa thirrje nga Sokol Sanxhaktari, me të cilën kishte disa kohë pa komunikuar.
“Rreth orës 15:30, shtetasi Sokol Sanxhaktari e ka marrë në telefon dhe e ka ftuar për kafe, në një lokal kioskë, afër ‘Turizmit’, në pronësi të tij“.
Më tej thuhet, se viktima bashkë me shtetasin E.B., shkuan se bashku në lokal dhe aty kanë gjetur duke pirë birra, Sokol Sanxhaktarin, Muhamet Muçën, Adriano Hajdarin, Bes Nikollën dhe Julian Lamçen.
Deklaruesi thekson se nuk e ka mësuar arsyen se përse e kishte thirrur Sokol Sanxhaktari viktimën, pasi ata kanë biseduar në një ambient të veçuar, ku dhe kanë marrë kokainë.
“Qëndruan deri në lokalin në fjalë deri në orën 21:00 dhe Sokoli, këmbënguli të shkonim në një lokal tjetër duke marrë pijet me vete. Edhe në lokalin tjetër, viktima dhe Sokol Sanxhaktari kanë konsumuar sërish pije dhe lëndë narkotike, të cilën e merrnin në tualetin e këtij lokali. Dëshmitari thotë së rreth orës 4 të mëngjesit, Flori (viktima), i cili ishte në gjendje të rënduar fizike për shkak të pijes, i ka thënë ‘merr telefonin tim dhe ti ik!’”.
Rreth orës 4, ky dëshmitar, ka arritur të dalë nga lokali, ndonëse Sokol Sanxhaktari nuk e lejonte të dilte dhe për disa minuta ka qëndruar tek lulishtja, përreth 10 metra larg.
“Kur isha tek lulishtja, dëgjova një zhurmë të madhe si përplasje dhe pashë që Flori ishte në tokë, kurse Sokoli e qëllonte si i tërbuar, por nuk e pashë me çfarë e bënte, sepse nuk kisha fushëpamje. U largova në këmbë tek shtëpia e vëllait të viktimës, duke i dhënë edhe telefonin e të vëllait”.
GazetaSi.al, zbardh bisedën mes Sokol Sanxhaktarit dhe Adriano Hajdarit në një përgjim amebiental në mjediset e brendshme të Drejtorisë së Policisë Elbasan.
Ardiani- Ka vdek ai.
Sokoli - E di unë që ka vdek. Ai vdiq vetë, e pe, n’dëegjo ktu, e kena vra me sende të forta. Shife ktu i minutë, ai futi dorën i gjujti xhamit.
Ardiani - Ai a?
Sokoli - Po a xhami thyee e vlla, harrova t’i them ik e bani ekspertimin e xhamit dhe u ça damari. aty nxori gjakun ai uuuu. Pastaj pa menje rrëshkiti e ra me kokë kur dolëm jashtë që mora bluzën tate.
Ardiani - Ee bravo.
Sokoli - Ne do i bëjmë nja dy muaj burg, s’kemi ça bëjmë.
Ardiani - Mos e rruj trapin.
Sokoli - Normal, ej kjo është gjendja, hë e dëgjove gjendjen?
Ardiani - Ça asht ba.
Sokoli- Mos prek gojë.
Ardiani - Ça i bana unë atij, asgjë.
Sokoli - Asigja e, nejse asnjanit vet në botë, urtë lali gjithmonë, ky a muhabeti. I ra xhamit.
Ardiani - I ra xhamit nuk e diskutojmë ne e vlla.
Koha e regjistrimit, 1 orë, 1 minutë e tre sekonda nga fillimi i regjistrimit
Ardiani - Po mirë, ka vdek që dje me një fjalë ee.
Sokoli - Po po.
Ardiani- Kur hyhet për te lokali aty, ka kamera?
Sokoli - Kalon mbrapa, nuk e di.
Sokoli - Po kamarier, kishte aty?
Ardiani - Ë?
Sokoli - Asnjë, s’kishte njeri tjetër, as kamarier asnjë gja s’kishte.
Ardiani - Ai çuni nuk e di nga iku ai.
Sokoli- Kush?
Ardiani - Ai Toni, se nga iku andej ai, se pash më, a doli që iku përjashta a nejti aty, erdhi me levat.
Sokoli- Joo o burr, s’e kam përdorur ma atë të parën, e pa ai që gjujti xhamin ai.
Koha, 1 orë, 13 minuta e 13 sekonda nga fillimi i regjistrimit
Sokoli - Duhet mush menja dhe Endrin, të vërtetën xhamit i ra mbrapa, që të vijë atje në gjyq të thotë, ore këtë e kam kushëri.
Ardiani - Po ore.
Sokoli - E kupton, po ti pse s’i the, po unë e kam kushëri atë or ti, si the ti. Unë e kam kushëri or bab thuaj, ky tjetri e ka shok të ngushtë, më kupton, që ta bëjmë në gjyq.
Ardiani - Kti Endrit s’e di plako, s’ja kam besën fare.
Sokoli - O robt po s’erdhi, ne do ja çojmë haberin.
Sokoli - E po ti themi ne, qysh e rrafëm ne atë, ai ishte me pistoletë me vete t’i themi, ja ku shtiu ktu, do i thotë dhe Çimi, merre Çimin dëshmitar, ishte me pistoletë me thikë me vete, ja ku ke brimën qe ka shti ktu. Qysh e rrafëm ne ktë njeri ee. Ne me gurë ai me pistoletë.
Ardiani - Po do thotë ai, ku e ka o bab.
Sokoli - Ku dim gja ne ku e ka, aty ku e morën, kur doli me vete e ka pas, ose kontrolloni aty, më kupton. Apo s’do e bëjmë fare ktë muhabetin, s’e thotë e keni marrë thotë dhe...
Koha, 2 orë, 44 minuta e 19 sekonda nga fillimi i regjistrimit
Sokoli - Thuaj unë Sokolin nuk e njoh, ashtu thuaj.
Ardiani - Po mos ashtu telefonin ata.
Biseda midis shtetasit Sokol Sanxhaktari dhe shtetasit Anesti Greku, zhvilluar me datë 30.07.2021, ora 08.40, rezulton me vlerë për hetimin.
Anesti – Po ju ishit afër me njëri-tjetrin.
Sokoli - Po ai, jo ai shife ça pati ai. Ai theu dorën, i ra debulesë dhe nga debulesa i ra koka ke ça ishte ajon, ke kjo. I ra aty, ra në tokë me të par, unë i hoqa bluzën atij shokut, se o lakuriq akoma sot ai. Ja lidha mas dorës, atij çunit, erdha direkt e te ty, të thashë ambulancën ose naj gja, thashë unë që të marrim policinë.
Anesti - Ambulancën po. Njoftovi ky përpara, ai kalimtari që vete ke hoxha, pastaj unë i mora me radhë.
Sokoli - S’ka problem, unë doja vetëm qe ti të thuash kto llafe qe të kam thënë.
Biseda midis shtetasit Adriano Hajdari dhe shtetasit Anesti Greku, zhvilluar me datë 30.07.2021, ora 09.45, rezulton me vlerë për hetimin
Anesti – Ouu ime, kush i hoqi pantallonat, ti apo ai, se unë s’i mbaj mend mirë me një fjalë.
Adriani – Ë
Anesti – Pantallonat them, bluzën, e ça ku di unë.
Adriani – Bluzën e hoqa unë o burr, ça pantallona thua ti, bluzën që lidhi atë o burrë, e pashë të shtrirë me gjak në tokë.
Anesti – Një bluzë e bardhë ishte aty.
Adriani – E e, lidha për bluzë o burrë.
Anesti – S’e di as vetë si të mbajmë qëndrimin me një fjalë, se nuk është problemi aty, se ta kisha parë skenën komplet, do thosha gjysmë llafi, po unë s’pashë gjë fare. Megjithatë jam i detyruar të përgjigjem me aq sa kam dijeni.
Adriani – Ça të them o lali, nuk e di ça të them fare. Jam trokë fare, e kupton ti, hoqa bluzën. Për ta lidh bilës, aty jam ballafaqu o burr.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
