.png)
Nga Gazeta “SI”– Familjarë, miq, bashkëpunëtorë por edhe qytetarë të shumtë kanë kryer homazhe dhe nderime për ndarjen nga jeta të aktores Margarita Xhepa. Ceremonia e homazheve u mbajt në hollin e Teatrit të Operas dhe Baletit ku shumë aktorë dhe personazhe të jetës publike shqiptare, nderuan figurën e aktores së madhe e cila për shtatë dekada lujti në mbi 150 role duke u kthyer kështu në një ikonë të kinematografisë shqiptare.
“Iku ashtu siç e deshi Zoti” u shpreh djali i aktores Ndriçim Xhepa.
“Roli i saj i fundit në filmin “Bolero në vilën e pleqve” ishte njëkohësisht edhe finalja e mbylljes së jetës së saj. Kjo ishte edhe perdja e fundit që ra e jetës saj. Fakti që sot po i bëhen homazhe nga qindra njerëz , popull që e deshi dhe e ndoqi punën e saj, për në është kënaqësia më e madhe” tha ai
Pjesëmarrëse në homazhe në nder të Margarita Xhepas ka qënë edhe kolegia por dhe mikja saj e skenës, Tinka Kurti.
“ Jam këtu për ti ba homazhe dhe për ti vënë një kunore me lule. E meriton Margarita, për mua ka qënë e madhnueshme” u shpreh aktorja e madhe Kurti.
Gjithashtu homazhe kanë bërë edhe politikanë të ndryshëm si kryetari i Partisë Demokratikë, Sali Berisha dhe Ministri i Ekonomisë, Kulturës dhe Inovacionit, Blendi Gonxhja.
Në orën 13:00 arkëmorti i Margarita Xhepës u përcoll drejt banesës së fundit nën duartrokitjet e kolegëve dhe qindra qytetarëve të cilët kishin dalë të përcillnin aktoren e madhe të skenës shqiptare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
