Egnatia kryesuese fillon të dridhet. Vllaznia është afruar tashmë në 2 pikë, pasi ka fituar 0—1 në Korçë. Një ndeshje e vendosur kjo nga një penallti e akorduar me VAR në favor të shkodranëve në pjesën e dytë.
Skuadra e drejtuar nga trajneri Qatip Osmani nuk bëri ndeshjen e saj më të mirë, madje u rrezikua seriozisht në 2-3 raste, kur u mbaj në lojë nga portieri 18-vjeçar, Aron Jukaj. Skënderbeut iu anulua edhe një gol me VAR për prekje të topit me dorë nga Ramos.
Vllaznia merr 3 pikë të çmuara në një transfertë shumë të vështirë dhe tani vendi i parë është shumë afër. Ka mbetur për t’u luajtur edhe faza e fundit e kampionatit dhe shkodranët kanë mundësi reale ta parakalojnë Egnatian, që nuk fiton prej javësh.
Po sot u luajt edhe ndeshja Kukësi-Laçi, që përfundoi 1-0, ndërsa Dinamo-Teuta u shty për shkak të kushteve të këqija atmosferike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
