.png)
Presidenti i Komitetit Olimpik Ndërkombëtar (CIO), Thomas Bach, ishte i pari që vuri firmën e tij në muralin e paqes olimpike që ndodhet në hyrje të fshatit olimpik në Pekin, duke bërë së pari një apel për të gjithë:
“Do të kërkoja nga liderët politikë të gjithë botës që të impenjohen për ta respektuar këtë paqe”, – ka theksuar Bach.
Më pas ai u është drejtuar sportistëve: “Tregoni impenjimin tuaj në këtë mision paqeje të Lojërave Olimpike. Ditët e ardhshme garoni njëri kundër tjetrit, por në të njëjtën kohë jetoni bashkë paqësisht dhe me respekt nën të njëjtën çati, në fshatin olimpik. Në këtë mënyrë do të tregoni si mund të jetë bota, nëse të gjithë respektojmë të njëjtat rregulla dhe nëse respektojmë njëri-tjetrin”.
Ceremonia e hapjes e Olimpiadës dimërore Pekin 2022 do të zhvillohet më 4 shkurt, por disa gara tashmë kanë filluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
