.png)
Nga Gazeta ‘Si’- Humbja që po pëson Partia Demokratike në disa prej qarqeve të vendit, po i prek asaj edhe listën e mbyllur të deputetëve.
Sipas të dhënave të KQZ-së, deri tani në tre qarqe, Elbasan, Fier dhe Vlorë demokratët nuk arrijnë as mandatet e listës së mbyllur.
Në qarkun e Elbasanit ka mbetur jashtë Aurel Bylykbashi i koalicionit PD-ASHM, pasi vetëm drejtuesi politik i qarkut Tomor Alizoti, Edmond Haxhinasto, Klodiana Çapja dhe Blendi Himçi arritën të fitonin.
Në qarkun e Fierit ka mbetur jashtë Eduart Sharka i cili ishte në listën e sigurt të PD-së, pasi Partia Socialiste në këtë qark fitoi me një epërsi të thellë, duke marrë 12 mandate, 3 mandate më shumë se në vitin 2021. PD në këto zgjedhje mori 4 mandate, 2 më pak se në vitin 2021.
Në qarkun e Vlorës nga 4 kandidatë të vendosur në listën e sigurt fituan vetëm tre; Bujar Leskaj, Ina Zhupa dhe Vangjel Dule, ndërsa Alfred Hoxha nuk arriti të sigurojë një mandat.
Edhe në këtë qark Partia Socialiste mori 9 mandate, një më shumë se në vitin 2021, përkundrejt PD-së e cila në këto zgjedhje zbriti në 3 mandate nga 4 që kishte në zgjedhjet e kaluara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
