.png)
Nga Gazeta ‘SI’ – Asetet e konfiskuara të grupeve kriminale që operojnë në Shqipëri do të përdoren për të kompensuar disi viktimat e tyre.
Në një draft të ministrisë së Brendshme për masat kundër krimit të organizuar, thuhet se asetet do të vihen në funksion publik, nga mbështetja e viktimave tek projektet sociale.
Sipas planit, asetet duhet të përdoren brenda 6 muajve nga konfiskimi.
“Ripërdorimi i aseteve të konfiskuara duhet të bazohet në parime të transparencës, llogaridhënies dhe përdorimit për qëllime publike, siç janë mbështetja e viktimave, forcimi i kapaciteteve institucionale apo financimi i projekteve sociale dhe komunitare. Kjo jo vetëm rrit efikasitetin e sistemit të drejtësisë penale, por gjithashtu forcon besimin e publikut në institucionet shtetërore dhe kontribuon në ndërtimin e një shoqërie më të drejtë dhe më të qëndrueshme”, shkruhet në dokument.
Gjithsesi, ky objektiv do të jetë i arritshëm vetëm pas disa ndryshimeve ligjore nga ekzekutivi dhe një reformim të agjencive që merren me këtë fushë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
