Gazeta Si – Klaudio Lotito, presidenti i Lacios, nuk ka në plan ta mbyllë sezonin me Xhovani Martushelon, i cili ka marrë drejtimin e skuadrës pas largimit të Mauricio Sarrit. Një lëvizje e përkoshme, sepse klubi po kërkon një trajner të ri, që të ndërtojë projektin e sezonit të ri.
Sipas ‘Corriere dello Sport’, Lotito ka një listë me disa emra kantidatësh për pasuesin e Sarrit. Pretendenti kryesor është Igor Tudor, kroati që ka drejtuar disa skuadra vitet e fundit, por janë edhe disa emra të tjerë joshës.
Njëri prej tyre është Lionel Skaloni, trajneri i Argjentinës, kampion në fuqi i botës. Skaloni ka luajtur më parë për Lacion dhe shihet si një mundësi e mirë, nëse palët gjejnë gjuhën e përbashkët. Elseid Hysaj, mbrojtësi i Kombëtares, do të kishte kështu mundësinë të stërvitej nga trajneri kampion bote.
Një tjetër emër është ai i Serxhio Konseisaos, që gjithashtu ka veshur fanellën e Lacios si futbollist. Aktualisht portugezi drejton Porton.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
