.png)
Nga Gazeta Si - Pasi ceremonia e vitit të kaluar u trondit nga një dramë e papritur, këtë vit organizatorët e Oscars nuk do të rrezikojnë.
Përpara ndarjes së çmimeve të vitit 2023, që do të mbahen më 12 mars, Akademia e Arteve ka krijuar një ekip të ri të koordinatorëve të krizës që do të jenë gati gjatë natës së ndarjes së çmimeve.
“Për shkak të vitit të kaluar, ne kemi hapur mendjen për shumë gjëra që mund të ndodhin në Oscars”, tha Bill Kramer, shefi ekzekutiv i Akademisë, për revistën Time.
“Por këto plane krizash – ekipet dhe strukturat e komunikimit të krizave që kemi – na lejojnë të themi se ky është grupi që duhet ta mbledhim shumë shpejt. Kështu bashkohemi të gjithë. Dhe padyshim në varësi të specifikave të krizës - dhe le të shpresojmë që diçka të mos ndodhë dhe ne kurrë nuk duhet t’i përdorim këto, por ne tashmë jemi të përgatitur”.
Masat e reja vijnë pasi aktori Will Smith doli në skenë dhe goditi komedianin Chris Rock teksa ky i fundit po prezantonte, pasi bëri një shaka me gruan e Smith, Jada.
Audienca fillimisht ishte e pasigurt nëse shuplaka ishte pjesë e një skenari, por kur Smith u kthye në vendin e tij dhe vazhdoi të bërtiste me zemërim, u bë e qartë se nuk ishte e planifikuar.
Më vonë në ceremoni, Smith fitoi Oscarin për aktorin më të mirë për rolin e tij në filmin biografik “King Richard”.
Smith më vonë kërkoi falje për veprimet e tij.
“Sjellja ime në ndarjen e çmimeve Oscar mbrëmë ishte e papranueshme dhe e pafalshme”, shkroi ai në një postim në Instagram.
“Dëshiroj të të kërkoj falje publike, Chris. Isha jashtë linjës dhe gabova. Jam në siklet dhe veprimet e mia nuk ishin tregues i mashkullit që dua të jem. Nuk ka vend për dhunë në një botë dashurie dhe mirësie. Unë do të doja gjithashtu t’i kërkoja falje akademisë, producentëve të shfaqjes, të gjithë të pranishmëve dhe të gjithëve që shikojnë në mbarë botën”, do të shprehej Smith.
Smith dha dorëheqjen nga akademia. Atij gjithashtu i është ndaluar të marrë pjesë në Oscar për 10 vjet.
Çmimet e 95-ta të Akademisë do të drejtohen nga Jimmy Kimmel, i përshkruar nga Kramer si një “zgjedhje e sigurt”.
“Ai është funny; ai është i respektueshëm; Mendoj se njerëzit në audiencë ndihen shumë të sigurt dhe të angazhuar me energjinë e tij. Jemi të emocionuar që Jimmy po kthehet dhe shpresojmë që ky të jetë fillimi i një marrëdhënieje të re të bukur dhe të gjatë me të”, janë shprehur nga Akademia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
