.png)
Shkarkohet nga detyra drejtori i Burgut të Peqinit, Bukurosh Malluta.
Mësohet se vendimi për shkarkimin e Mallutës është marrë nga ministrja e Drejtësisë, Etilda Gjonaj.
Bukurosh Malluta është shkarkuar nga detyra, për shkak të keqmenaxhimit të situatës në Burgun e Peqinit.
Zbatimi i masave ndaj “Covid-19” ka ngjallur pakënaqësi të mëdha tek të burgosurit dhe të paraburgosurit në të gjitha burgjet e vendit.
Në burgun e Peqinit janë hasur probleme në futjen e ushqimeve nga familjarët, kufizim takimesh, si dhe të dënuarit kanë pretenduar për mohim të drejtash të ligjshme.
Pakënaqësi të tilla kanë kulmuar me nënshkrimin e një peticioni me 13 kërkesa, si edhe refuzimin e ushqimit të burgut nga më shumë se 200 prej tyre.
Në listën e kërkesave të të dënuarve është amnistia e përgjithshme, përcaktimi me vite i dënimit të përjetshëm me 20 vite, aplikimin e lirimit pas 3/5 të dënimit, reduktimin e kostove të telefonit, rregullimin me ligj të çmimeve në dyqanet brenda burgut, si edhe largimin e drejtorit të Përgjithshëm të Burgjeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
