.png)
Gazeta Si – Polonia po mendon seriozisht të bojkotojë Lojërat Olimpike Paris 2024. Vendimi i CIO-s për të pranuar sportistët rusë dhe bjellorusë, ashtu siç pritej, ka sjellë polemika menjëherë.
Sekretari i shtetit polak, Marcin Pszydach, ka pranuar se po vlerësohet si mundësi bojkoti i eventit. Ai ka kërkuar edhe mbështetjen e vendeve të tjera: “Një vendim i tillë duhet marrë nga një koalicion më i gjerë”.
Të njëjtin qëndrim ka shprehur edhe kryeministri polak, Mateusz Morawiecki, që në profilin e tij në rrjetet sociale, ka shkruar: “Do të bëjmë gjithçka që është e mundur për të garantuar që sporti të mbetet i lirë nga influenca ruse”.
Një reagim i fortë ky i Polonisë, që vjen pas vendimit të komitetit të CIO-s në lidhje me një rikthim të mundshëm të sportistëve rusë dhe bjellorusë në eventet ndërkombëtare. Një vendim, që në fakt nuk i takon Olimpiadës Paris 2024 dhe as Milano-Kortina 2026. Për këto dy aktivitete CIO ka marrë kohë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
