Gazeta Si – Janë orët e fundit të merkatos së dimrit dhe klubet janë duke mbyllur goditjet finale para se të bjerë gongu. Mes emrave të lakuar për një ndërrim të mundshëm ekipi është edhe ai i Marash Kumbullës, mbrojtësit të Kombëtares shqiptare.
Sipas shtypit italian, Sasuolo po kërkon një mbrojtës dhe profili i duhur duket ai i Marash Kumbullës. Futbollisti kuqezi nuk ka luajtur asnjë ndehsje me Romën këtë sezon për shkak të dëmtimit në gju. Kumbulla është drejt largimit nga skuadra kryeqytetase, ku kaloi në verën e 2020-ës.
Mbrojtësi shqiptar e ka lënë pas dëmtimin dhe tani duket gati për të laujtur, ndaj dhe Sasuolo po e sheh si një pistë për të forcuar repartin e prapavijës. Nëse arrihet akordi mes palëve, atëherë Kumbulla do të bashkohej me një tjetër kuqezi në skuadër, me Nedim Bajramin që luan te Sasuolo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
