Ish-deputeti i Partisë Demokratike, Agroh Shehaj ka reaguar në llogarinë e tij në facebook mbi operacinet antiinformalitet të ndërmarra nga tatimorët në disa zona turistike të vendit.
Shehaj akuzon kryeministri Edi Rama, që sipas tij, kreu i qeverisë ka ndërmarrë aksione selektive në jug të vendit.
“Regjimi i Edi Ramës ka gjobitur dhe mbyllur qindra biznese në mënyrë arbitrare dhe selektive. Aksioni kundër gjithë industrisë së turizmit të Vlorës dhe gjithë bregdetit të Jugut, në kulmin e sezonit turistik, është goditje dhe dënim për dhjetra mijëra familje vlonjate dhe gjithë bregut deri në Ksamil.
Është aksion arbitrar dhe kriminal i motivuar vetëm nga interesa personale dhe një kënaqësi perverse e Edi Ramës, për të treguar që është ai Zoti dhe pronari i Shqipërisë e çdo shqiptari.”- shkruan ish deputeti democrat.
Evazorët gjigande mamuthë në Shqipëri, thotë Shehaj, janë oligarkët e Edi Ramës. Sipas tij, ata nuk paguajnë taksa, fusin mallra propagande, fusIn ushqime, ilaçe dhe mallra të skaduara. Evazorët janë klientët e Edi Ramës që ndërtojnë pallate dhe fshatra turistike me para të pista që u dhurohen ministrave dhe funksionarëve të korruptuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
