.png)
Nga Gazeta ‘SI’ – Pas 3 vitesh diskutime, Autoriteti i Komunikimeve Elektronike dhe Postare, AKEP, ka nisur konsultimin publik për autorizimin e përdorimit të teknologjisë 5G.
Në dokumentin e publikuar, AKEP thotë se në fund të vitit që shkoi, dy kompanitë One Albania dhe Vodafone Albania, i kanë shprehur autoritetit interesin për brezin 3.5 GHz.
AKEP shpjegon disa kritere teknike për hyrjen në këtë teknologji, por nuk përcakton vlera apo kushtet e ndarjes së tregut.
Autoriteti i drejton 9 pyetje dy operatorëve të interesuar, ndër të cilat “ccmimi që ata janë të gatshëm të paguajnë”.
Konsultimi do të zgjasë 60 ditë.
Gjenerata e sistemeve celulare 5G e rrit shpejtësinë e të dhënave të rrjeteve 4G me më shumë se 10 herë, duke përmirësuar teknikat e përdorimit te frekuencave. Për rrjetet e gjeneratës 5G, Plani Kombëtar i Frekuencave ka përcaktuar 3 breza kryesorë frekuencash: 700 MHz, 3400-3800 MHz dhe 26 GHz.
Në rajon, vetëm Shqipëria dhe Serbia nuk kanë alokuar ende frekuencat e këtij brezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
