Twitter po kalon kohë të vështira dhe situata nuk duket se po përmirësohet. Zyrat e Twitter do të qëndrojnë të mbyllura deri të hënën, më 21 nëntor në vazhdën e ultimatumit të Elon Musk. Nga ana tjetër, pas largimeve masive të punonjësve, gjiganti duket se po përballet me probleme në funksionimin e tij, me ndërprerjet që janë shtuar.
Në qendër të vëmendjes është pronari i rrjetit social të njohur Elon Musk.
Pas ‘skadimit’ të ultimatumit të Musk drejtuar punëtorëve për të respektuar të dhënat e reja të punës, aktivistët u mblodhën jashtë ndërtesës së zyrës në San Francisko duke projektuar mesazhe anti-Musk në fasadën e ndërtesës.
A scrolling message outside Twitter’s San Francisco headquarters has called @elonmusk a “lawless oligarch, space Karen, mediocre manchild, worthless billionaire” and more @6NewsAU pic.twitter.com/PyXz0YaZmF
— Leonardo Puglisi (@Leo_Puglisi6) November 18, 2022
“Oligark i paligjshëm, burrë i vogël, miliarder i kotë, parazit, megalloman”, janë shumë nga parullat që u ndezën në fasadën e godinës.
Dita e djeshme ishte e vështirë për gjigantin e rrjeteve sociale. Musk thuhet se po përpiqet të mbajë inxhinierët kryesorë që mbajnë faqen në funksion.
Musk shpenzoi 44 miliardë dollarë për të blerë kompaninë, dhe tre javë më vonë, kaosi i plotë ka pasuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
