.png)
Gazeta Si – Katër punonjës policie të Komisariatit të Kavajës janë pezulluar nga detyra për shkak se nuk kanë raportuar dhe parandaluar kultivimin e bimve narkotike.
Në një njoftim zyrtar, Agjencia e Mbikëqyrjes Policore e rajonit Durrës-Kavajë, ka ekzekutuar masat e sigurisë ndaj katër policëse pas një hetimi disa mujor për veprën penale “Shpërdorim detyre”.
Sipas hetimeve, policët dyshohet se gjatë ushtrimit të detyrës nuk kanë kryer kontrollet e nevojshme për parandalimin e kultivimit të bimëve narkotike, ndërsa në zonën e mbulimit të tyre u gjetën të kultivuara 550 bimë kanabisi.
Masat e sigurimit personal kanë karakter ndalues dhe parashikojnë pezullimin nga detyra për katër efektivët:
Komisar Afrim Meçe, në kohën e ngjarjes Shef i Seksionit për Hetimin e Krimeve në Volum në Komisariatin e Kavajës, aktualisht me detyrë në Komisariatin e Policisë Divjakë pranë DVP Fier;
Nënkomisar Edlir Kazazi, Specialist për Hetimin e Krimeve në Volum në Komisariatin e Policisë Kavajë;
Inspektor Rosario Çollaku, në kohën e ngjarjes Nën/Specialist i Policimit në Komunitet në Komisariatin e Kavajës, aktualisht pjesë e Seksionit të Qarkullimit në Kavajë;
Nënkomisar Saimir Kazazi, Specialist/Koordinator për Policimin në Komunitet në Komisariatin e Policisë Kavajë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
