Pavarësisht kushteve atmosferike, KQZ deri të dielën në mëngjes e kreu detyrën.
Kryekomisioneri Ilirjan Celibashi njoftoi shpërndarjen e plotë të bazës materiale për procesin e zgjedhjeve të pjesshme në 5 bashki të vendit, ndërsa në Bashkinë Vorë janë shpërndarë pajisjet e votimit dhe numërimit elektronik.
Në 22 qendra votimi në Vorë, KZAZ nuk kanë emëruar kryetaret e PD me rotacion, por vetëm sekretarët. Ata po e ndjekin procesin vetëm si anëtarë. Por procesi po vijon normalisht.
Ndërkohë një incident ka ndodhur në qendrën e votimit 1499 në Durrës.
Jo pjesë e stafit të QV, as komisioner, por një person i jashtëm ka goditur një përfaqësues të PD, komisioner. Policia ka mbërritur për të marrë dëshminë e komisionierit të dhunuar.
Problematike shfaqet votimi ne zonat e thella të Shkodrës për shkak të motit të rënduar, ku ne disa zona te thella nuk po shkojne dot as komisioneret me kutite e votimit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
