Njerëzit do të jenë 40% më të varfër nëse bota ngrohet me 4 gradë

Nga Gazeta Si- Modelet ekonomike kanë nënvlerësuar sistematikisht se si ngrohja globale do të ndikojë në pasurinë e njerëzve por sipas një studimi të ri, ngrohja me 4 gradë Celsius do ta bëjë njeriun mesatar 40% më të varfër, një rritje pothuajse katërfish sipas disa vlerësimeve.

Studimi, nga shkencëtarët australianë, thotë se PBB-ja mesatare globale për person do të reduktohet me 16% edhe nëse ngrohja mbahet në 2C më e lartë. Kjo është shumë më e lartë se vlerësimet e mëparshme për një rënie prej rreth 1.4%.

Edhe nëse qeveritë anembanë globit arrijnë objektivat e tyre klimatike afatshkurtër dhe afatgjatë, shkencëtarët tani vlerësojnë se temperaturat globale do të rriten me 2.1C.

Studimi i ri, në revistën Environmental Research Letters, mori një nga modelet më të njohura ekonomike dhe e krahasoi atë me parashikimet e ndryshimeve klimatike për të kuptuar ndikimet e ngjarjeve ekstreme të motit nëpër zinxhirët e furnizimit global.

Timothy Neal, i Institutit për rrezikun dhe reagimin ndaj klimës në Universitetin e Uellsit të Ri Jugor dhe autori kryesor i studimit, tha se hulumtimi i ri kishte shqyrtuar ndikimin e mundshëm të ngrohjes globale të 4C, e parë nga shumë ekspertë të klimës si katastrofike për planetin, duke gjetur se do ta bënte njeriun mesatar 40% më të varfër.

“Në një të ardhme më të nxehtë, ne mund të presim ndërprerje të zinxhirit të furnizimit të shkaktuar nga ngjarje ekstreme të motit në mbarë botën,” tha Neal.

Andy Pitman, shkencëtar klimatik thotë se nuk ka të bëjë vetëm me temperaturat mesatare por ndikimi që ka në zinxhirët e furnizimit.

“Rivendosja e ekonomisë së gjelbër për të llogaritur ekstremet dhe ndikimin e tij në zinxhirët e furnizimit është diçka shumë urgjente për t’u bërë në mënyrë që vendet të mund t’i kushtojnë plotësisht rëndësi ekonomisë dhe ndryshimeve klimatike dhe më pas të bëjnë gjënë e dukshme, të ulin emetimet.”

Disa ekonomistë kanë argumentuar se humbjet globale nga ngrohja globale mund të balancohen pjesërisht nga ngrohja që mund të përfitojë disa rajone të ftohta, si Kanadaja, Rusia dhe Evropa veriore. Por Neal tha se ngrohja globale do të godiste vendet kudo, sepse ekonomitë globale janë të lidhura nga tregtia.

Frank Jotzo, ekspert i politikave klimatike në Universitetin Kombëtar Australian, i cili nuk ishte i përfshirë në hulumtim, tha se modeli i ekonomisë së gjelbër do të bënte që një aktivitet si bujqësia të përdoret në një vend të përshtatshëm në momentin që bëhet e pamundur që të përdoret në një vend tjetër.

Në një raport në janar shkruhej se vlerësimet e mëparshme të rrezikut ekonomik nuk kishin marrë parasysh ndikimet e klimës në botën reale si “ngjarjet ekstreme, migrimi, ngritja e nivelit të detit, ndikimet në shëndetin e njerëzve ose rreziku gjeopolitik”.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.