Gazeta Si – Ndeshja e parë e kuqezinjve në Europianin e Gjermanisë është me Italinë kampione Europe, por aktualisht jo në gjendjen më të mirë. Skuadra e Spaletit ka probleme me sulmin dhe sot ka humbur edhe një titullar të rëndësishëm për shkak dëmtimi.
Domeniko Berardi u dëmtua në ndeshjen me Veronën, ku kthehej titullar pas një mungesë të gjatë po për shkak dëmtimi. Sulmuesi po shkonte drejt portës, ku ndjeu dhimbje dhe kërkoi ndihmën e stafit mjekësor.
Gjendja e tij u duke menjëherë shqetësuese. Berradi doli nga fusha mes lotësh, pa mundur të mbështeste këmbën e djathtë në tokë. Ai ka këputur tendinën e Akilit dhe sezoni ka përfunduar këtu për lojtarin e Sasuolos, por edhe për Europianin ai nuk mund të rikuperohet.
Drejtuesit e Sasuolos kanë nisur kontaktet për ndërhyrjen kirurgjikale në Finlandë. Për trajnerin Luçiano Spaleti shtohen problemet, ndërsa për trajneri Silvinjo dhe kuqezinjtë është një telash më pak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
