.png)
Nga Gazeta ‘SI’ – Gjatë 2024-s, Shqipëria ka prodhuar 2% më shumë mbetje se vitin e shkuar, në total 862 mijë tonë. Llogaritur sipas konsumit individual, një qytetar ka gjeneruar 360 kg mbetje në vit, ose 9 kg më shumë se në 2023-shin.
Shifrat e INSTAT tregojnë se llandfillet presin 76% të mbetjeve në Shqipëri. Rreth 19% u ricikluan dhe vetëm 4.9% u dogjën në inceneratorë.
Struktura e mbetjeve nuk ka ndryshuar shumë ndër vite. Mbetjet organike përbëjnë mbi gjysmën e totalit, me 57.3%, ndërsa plastika dhe letra apo kartoni zënë secila rreth 9-10%. INSTAT raporton se 90% e mbetjeve të ngurta janë familjare e të ngjashme.
Në 3 vitet e fundit, tregohet një rritje progresive e prodhimit të mbetjeve në vend, ndërsa mbetet sfidë depozitimi i tyre. Shifrat tregojnë se inceneratorët nuk kanë rezultuar eficientë për këtë problem, ndërsa depozitimi në landfille ka krijuar problematika të keqmenaxhimit dhe abuzimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
