Një protestues hodhi vezë ndaj mbretit Charles dhe mbretëreshës Kamila, gjatë një vizite të tyren në York.
“Ky vend u ndërtua mbi gjakun e skllevërve”, thërriste personi teksa gjuante vezë drejt mbretit.
Menjëherë pas incidentit, i riu u prangos nga katër oficerë policie të cilët e hodhën menjëherë në tokë e më pas e ngritën dhe e çuan në makinën e policisë.
Ndërsa të pranishmit që ishin mbledhur për të përshëndetur mbretin filluan duke bërtitur “Zot ruaj mbretin” dhe “Turp për ty”.
Mbreti shikoi për pak sekonda përreth për të parë vezët në tokë, por nuk reagoi.
Ndërsa oficerët po e mbanin të riun në një furgon policie, Charles vazhdoi me ceremoninë në qytetin e York-ut nga ku u prit nga Lord Mayor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
