.png)
Gazeta Si – Një gjuajtje e bukur e mesfushorit të Realit 7 minuta para fundit zhbllokon një ndeshje të komplikuar për Brazilin. Seleçao merr fitoren e dytë në dy ndeshje dhe siguron kalimin e grupit. Skuadra e Murat Jakin vetëm u mbrojt.
Brazili është skadra e dytë e kualifikuar për në fazën e 18-ve, pas Francës. Të besuarit e Tites, pa Nejmarin dhe Danilon, mundën 1-0 Zvicrën, që nga shqiptarët kishte vetëm Granit Xhakën në fushë.
Seleçao kishte kontrollin e ndeshjes gjatë gjithë kohës, por hasi në ‘bunkerin’ zviceran. Thuajse gjithë kohën u luajt në gjysmëfushën e Zvicrës. Gjatë pjesës së parë rastet ishin shumë të pakta.
Në pjesën e dytë Tite la në dhomat e zhveshjes Paketën dhe aktivizoi Rodrigon, duke shtuar forcat sulmuese. Vinicius gjeti rrugën e rrjetës, por goli i tij u anulua për një pozicion jashtë loje të Riçarlison, i cili mori pjesë në aksion.
Në fushë për Brazilin u futën edhe Antoni e Gabriel Jesus, por zgjidhja do të vinte nga Kasemiro. Mesfushori gjuajti menjëherë brenda zonës me të djathtën dhe mposhti Somer edhe me ndihmën e një deviijimi të Akanxhit.
Zvicra kërkoi barazimin dhe asnjëherë nuk u shfaq rrezikshëm. Tani kualifikimin do ta diskutojë në ndeshjen e tretë me Serbinë, kurse Brazili luan me Kamerunin, me kualifikimin në ‘xhep’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
